التــفتيــــــــــــــح

التــفتيــــــــــــــح

التفتيح له طرق كتيرة منها الكيميائيية ومنها الطبيعية

وانا عارفة ان كتيير منكم جرب حاجات وجابت نتيجة لكن انا هقولك نصيحتى

*1*اولا الكريمات

الافضل على الاطلاق لوريال ...بيوديرما...يورياج...سكن كود

طبعا دول غاليين شوية لكن انا بثق فيهم بصراحة وحاجات مش بتضر البشرة
لان احيانا كريمات التفتيح الرخيصة فيها مواد مضرة على المدى البعيد وبتعمل تجاعيد وفى مواد منها بتضر البشرة لما بتتعرض للشمس
زى كريم فيرى اند لفلى انا مش بقتنع بيه نهااائى بصراحة

ورضه اللى من ايفون واوايفلام وفورايف حلوين لانم ماركات عالمية ومعروفة

والشركات ديه بتبقى منزلة كريم نهارى وكريم ليلى

*2* الماســــكات

فى ماسكين بحبهم جدااااا الماسك اليومى والماسك الاسبوعى

الماسك اليومى
( ده بيتعمل فى اكبر مراكز التجميل )

م لبن سايل + م لبن نيدو

بس كده

يدهن على البشرة لحد ماينشف وبعدين يفرك

وتغسلى وشك بماء دافء وبعدها نقفل المسام بالماء الساقع او المثلج
الماسك يوميا للوجه والرقبه
حلو جدااااا

الماسك الاسبوعى

او اسمه ماسك الجمــــــــــــــال
والله الماسك ده روعة روعة روعة فوق الوصف

 

هتجيبى بطاطساية حلوة كده وتقطعيها مكعبات صغيرة صغيرة

وتحطى عليها لبن سايل لحد ما يغطى البطاطس
حطيها فى حاجة غويطة وولعى عليها ووطى النار علشان اللبن ميفورش
وسيبيه لحد ما البطاطس تستوى
هتلاقى البطاطس طلعت النشا اللى فيها
والسائل تقل شوية 
طفى النار واضربىها فى الكبة او الخلاط
هتلاقى شكلها بقى زى الكريم وقوامها زى البشامل كده 

افرديها على الوجه والرقبة وسيبيه ينشف وبعد كده افركيه بعد ما ينشف خااااالص
واقفلى المسااااام ضرورى جدا
واتفرجى على جمال البشرة ونقااائها

والله لما بعمله كله تانى يوم يقولى انتى حاطه كريم ايه؟

واخواتى ازواجهم سألوهم على سر جمال وصفاء البشرة

الماسك ده مرة واحدة فى الاسبوع مش اكتر من كده
كل التفاصيل هتلاقيها هنا مع فتك تك

*3* ماسك النشااااا

انتو خلاص عارفينه من كلامنا اللى فات

مرتين فى الاسبوع

لضمان ان التفتيح يجيب نتيجة كويسة معاكى

• 1-التنظيف الجيد للبشرة
• 2-الصنفرة مهمة جدا مرة فى الاسبوع سواء بماسك او بمقشر جاهز

لان الصنفرة بتشيل الطبقة اللى فوق وبتسهل التفتيح

• 3-الكريمات والتفتيح نتيجته المرضية بتبان بعد شهرين فمتستعجليش

• 4- العناية الداخلية مهمة جدا فى التفتيح لان النضارة بتدى وشك لمعة جميلة
• 5-صابون التفتيح بيبقى كويس جدا فى التفتيح برضه وبتبان نتيجته
• واهمهم شرب اللبن يوميا ده تفتيح رهيييييييييييييييييييييب محدش يستهون بيه
• والاهم على الاطلااااق للناس اللى بتطلع فى الشمس

((((((( صــن بلوك ))))))))))

استخدمى صن بلوك مناسب لبشرتك

لان البشرة الجافة ليها صن بلوك ملطف وميلكى.
البشرة الدهنيه ليها نوع 

وفى ماركة افين حلو اوى

* الصن بلوك بيتحط قبل الخروج بنصف ساعة (خلى بالك )

*بتحطى كمية صغيرة مش كيلو

*بيتجدد كل ساعتين مش بيفضل اثره طول اليوم
وطبعا التجديد على حسبتعرضك للشمس
*الانواع كتيير بس انا كل اللى حواليا استخدامهم بيوديرما او افين او ازيس
لانى انا مش بستخدم صن بلوك لانى (منتقبة ) الحمد لله
*اول ماترجعى من بره نظفى بشرتك حالا بغسولك المفضل
*فى نوع من الصن بلوك اسمه كومباكت بودرة

ده للناس اللى بتحط مكياج لانه لما يتحط قبل المكياج مش هيسيح ولا هيبهدلك

المهم بقى انا بشرتى مببحبش احطلها ماسكات كتيير بتضايقنى واوقات مش بلاقى وقت

علشان كده بعتمد عى بيوديرما صنفرة وغسولاتها اليومية لانها بتوفر عليا
لكن فكرة افادة اللبن للبشرة عجبتنى جداااا
جبت لبن خالى الدسم لانى بشرتى دهنيه
وحطيته فى مكعبات

وبقيت يوم بعد يوم بليل امررمكعب لبن مثلج على بشرتى

منها قفلت المسام ومنها حطيت واللبن وهو مفيد للبشرة
وبسيبه ينشف على وشى
وانام او اشطفه بمااااء فقط بعد ما ينشف بساعتين

وخلو بالكم ياقمرات التفتيح بيبقى عايزة حملة متكاملة كده على البشرة
والله انا لما دوامت على ماء الورد واقراص الخميرة ومكعبات اللبن والماء المثلج
والصنفرة الاسبوعيه
الفرق بقى واضح جداااااااااااا فى اسبوع واحد بس

متجيش تعملى حاجة وتستنى عفركوش ينزل يفتحلك بشرتك مرة واحده

لا اعملى كل حاجة فى نفس الوقت وانتى اللى مستفيدة

اخر حاجة عايزة اقولها

الخميرة فى الماسكات حلوة جداااااااا

ممكن تحطيها على ماسك اللبن

ممكن تحطيها مع زبادى وعسل نحل
ممكن تحطيها مع زبادى

الخميرة بتفتح البشرة وبتنفخها كمان وبتدى رونق كده للخدود

اضافة اخييييره

مرة فى الاسبوع حطى عسل نحل على بشرتك حاجة خفيفة كده واشطفيه
يكفى انه ذكر فى القران
واشطفى وشك بعده

الخلاصة
كريم تفتيح مناسب يوضع مرة يوميا وخدى بالك كل حاجة لوقتها النهارى ميتحطش بالليل والعكس

كريم الاتفيح الليلى حلو لان الليل البشرة بتتنفس براحتها

ماسك اللبن اليومى

ماسك الجمال مرة اسبوعيا

او صنفرة

شرب اللبن يوميا

صن بلوك مناسب

العناية الداخليه مهمة جدا