كيفية تنظيف البشرة مع المنتجات التى يجب استخدامها لكل بشرة

تنظيف البشرة

البشرة باختصار شديد ليها تنظيف يومى وتنظيف اسبوعى
اليومى عبارة عن صابون ...جل .....اتش تو ...او غسول القطنة......
الاسبوعى عبارة عن صنفرة....او ماسكات الصنفرة والتقشير
وخطوات التنظيف مهمة جدا جدا فى الحماية والاهتمام بالبشرة لانك مطلوب منك يوميا تنظفى الطبقة الخارجيه والخلايا الميتة الى اخره

اولا التنظيف اليومىلكل بشرة نوع وكل بشرة على حسب ارتياحها
بمعنى انا بشرتى دهنيه جدا

برتاح اكتر للغسولات الشديدة 
كنت الاول بادئة بغارنيه جل وجميييع منتجات كلين اند كلير
وكانوا مريحنى







دى بحس ان اسعارها فى متناول الناس
بس احيانا بتعمل حساسية لبعض انواع البشرة ( جربى الاول )
السائل الاحمر منه بحس انه شديد اوى على البشرة محبتهوش
الغسول الفوم بتاعه ضعيف جدا مجرد رغوة عادية ممكن تبقى فى منتج
الصابونة ...كويسة وعمليه
الصنفرة ومقشر الرؤوس السوداء ...حلو



عموما بحس ان منتجاتها محتاجة بشرة دهنيه جداااا
لكن البشرة الدهنيه على خفيف او المختلطة عايزة حاجة اخف زى جونسون او غارنيه

انا جربت جونسون وجربت المجموعة الخضراء بتاعة غارنيه وارتحت معاها اكتر من كلين اند كلير
والمجموعة الجديدة جميييلة



انا حبيت منتجات غارنيه جدابس فى الاخر بطلت غارنيه وكلين اند كلير وجونسون وكله لانى اتعرفت على ماركة حبيتها جداااااااااااا ولقيت فيها الحل الامثل لمشاكل بشرتى هقولك عليها كمان شوية


نكمل والصنفرة بقىكنت ببستخدم الصنفرة الخاصة بيهم وكنت بجيب دول برضه

سبحان الله هيمالايا ماركة كويسة جدا بس المقشر بتاعها ممشيش معايا



لكن ست ايفين حلوة جدااااا




اسعارهم من 25 الى 50 بس الصنفرة بتقعد معاكى شهور لانها مرة واحدة اسبوعيا



وطبعا انتى شطورات وعارفين ان الصنفرة بتخلى وشك مندى ويفضل عمل حمام بخار او غسله بماء دافء علشان المسامات تتفتح
وبتدلكى الوجه بحركات داااائريه لمدة 30 الى 50 ثاااانيه
وبعدها بتغسلى وشك عادى
وتقفلى المسام بماااء ساقع جدا ** او مكعبات مثلجة زى ماتفقنا ** او تونر قابض للمسام وده ليه جزء لوحده ان شاء الله




نوع تانى للغسول اليومىاللى هو الصابون
لان فى انواع بشرات عادية او جافة او حتى دهنيه مش بتحتاج الا نوع خفيف من التنظيف اليومى
اختى مثلا بشرتها حلوة جدا مع صابونة سيلك من اوريفلام سعرها 9 الى 12ج



بعض انواع البشرات الدهنيه بيمشى معاها اوى 
صابون سموث فيس
خصوصا للى عندهم حبوب زى الفسافيس كده




انواااع الصابون كتييرة وكل واحد يختار اللى يريحه

نصيحة
بعد التقشير او التنظيف لو لقيتى جزء جاف رطبيه بكريم بانثينول 
او الكريم المرطب اللى انتى بتستخدميه
هتلاقى منتجات البشرة الجافة او الحساسة لونها غالبا رزو فاتح
ومتتلخبطوش فى انواع الصابون المخصص لكل بشرة

ممكن لما تستخدمى صابونة تلاقى نتيجتها انها عملتلك حبوب صغيرة اوى
بطليها

واختبرى اى حاجة قبل الاستخدام هيبقى افضلك

>>>>>>>>>>>>>>>>>>>>>>>

نرجع بقى للمنتجات اللى بقالى سنة ونص معاها وميرحانى جداااااااااااااا
شركة بيوديرمــــــــــاكلمة تحفة او راائعة قليلة
هى اسعارها غاليه شوية بس حلوة جدااا بشرتى افتحت لمجرد انى نظفتها كويس
الاسعار من 55 الى 90
ومتوفرة فى الصيدليات الكبيرة
المنتجات الخضراء للبشرة الدهنيه والروز للبشرة الجافة والحساسة



الجل المنظف ده مرتين يوميا 
وبيقعد كتيييير



الاتش تو 
مرتين فى اليوم بالتبادل مع الجل
وده بتعملى بالقطنة
وده قعد معايا كتييييييير اكتر من 6 شهور



وليهم صابونة برضه بس انا مش بجيبها


وغسول كليراسيل حلو جدااااا وبينقى من الحبوب




منتجات كليراسيل رااائعة فى البشرة اللى بتحبب كتييير
انا جربت منه الغسول اليومى بس



والصنفرة الاسبوعيه بتاعته سحررررررررررررررررر او خيال بترجع البشرة بيبى خالص
وبيعيش كتير لان انتى مرة فى الاسبوع بتستخدمى كمية صغنونة منه



وبتاع شركة يورياج حلو جدااااااا



والله المنتجات النظيفة دى وعن تجربة بتشد البشرة وتصفيها وتنقيها من الحبوب لان سبب الحبوب الدهون الزيادة وبتخلى البثور السوداء مختفية
بحب جدااااااا 
منتجات بيوديرما ...لوريال ...يورياج...ازيس



وطبعا دوف ونيفيا ونيتروجينا ماركات حلوة جدااااااااااااا بس انا اتكلمت عن اللى جربتهم بس
وزى ماتفقنا انتى هتلاقينى منزلة صور الحاجات للبشرة الدهنيه بس
وانتى لما تروحى تشترى هتجيبى لنوع بشرتك
اخر خطوة فى التنظيف دايما كلنا بننساها
مزيل المكياجكتييييير بينساه مع ان البشرة اكتر حاجة بتضايقها المكياج
لانك بتحطى موااااااد على البشرة
اتعودى اول ماتيجى من بره تستخدمى غسول مزيل للمكياج
وطبعاااا من غير صور
مزيل المكياج بتاع ايفون او اوريفلام او فور ايف حلوين
او ممكن مزيلين المكياج من اسماء الشركات اللى قلناها فوق