مشكلة المسامات الواسعة و طريقة العناية بالبشرة الدهنية ... موضوع جامدة

مشكلة المسامات الواسعة وديه اغلب اللى بشتكوا منها اصحاب البشرة الدهنيه والمختلطة
وطبعا فى علاقة كبيرة بين البثور السوداء والمسامات
لان المسامات بتتملى دهون والدهون مع الجو واليوم والتراب تتحول لبثور




لا بجد ده معناه ان تقليل المسام مرتبط جدااااااااااا بعنايتك للبشرتك
وتنظيفها
البشرة الدهنيه مهم جدا تتغسل من مرتين لتلاتة يوميا بالغسول المناسب
لان التنظيف المستمر بيقلل البثور وبالتالى المسامات

[COLOR="rgb(139, 0, 0)"]كذلك الشيء اللى يزيد عن حده يتقلب لضده بمعنىان لو غسلتى بشرتك كتييييييييييير اوى فى اليوم ده هيخلى فيها الجفاف
وانتى اساس طبيعتك دهنيه فالبشرة تدى رد فعلا بافراز دهون لتقليل الجفاف

اذن الاعتدال كويس


اسباب المسامات؟
***اننا كلنا وبما فيهم انا ( الحمد لله) لما بنلاقى بثور ندعكها او نفركها او نشدها بالملقاط وهوووووبا تلاقى المسام واضح جدا ( خرم منور كده)
وده غلط لان التنظيف كافى بتقليل الدهون وتنظيم افرازها 

**استخدام الماء الساخن لان الميه السخنة بتفتح المسامات
لكن خلى الماء فاتر
ساخن فقط لما تبقى داخلة على مرحلة ماسك وضرورى ترجعى تقفلى المسام بماء بارد زى ماقلنا قبل كده

**حمامات البخار واستخدامها الغلط الافضل انك تخليها مرة او اتنين فى الشهرررر

**استخدام غسولات غير مناسبة ليكى

**الاكثار من وضع المكياج وعدم استخدامك لمزيل المكياج


طب انجزى يافاطمة العلاج ايه؟؟؟
بصوا ياقمرات فى حاجة سريعة جدا بحطها لانى مش بحب المكياج
بحطها بتعمل طبقة بتملى المسامات والفراغات وبتعمل طبقة ناعمة وجميلة جداااااااااااا
وعجبنى جداااا



بس هو هو قرد كده وصغير وبحوالى 80ج بس حلو جداااا
pore refiner من شركة بيوديرمااا




والمنتج ده هتلاقى اسمه فى الشركات التانية النظيفة
pore minimizier


الطريقة:
مرة او اتنين يوميا على منطقة الانف والخدود لو هى بس اللى المسامات واضحة
او باقى الوجه لو كله

انا بحبه جداااااااااااا

طب والبيت؟؟تعالولى بقى وجدولكم

*1* مااااااااااااااء الورد بيشد البشرة وبيديها نضارة وبالتالى المسامات هتريحك

*2* مكعبات الثلج يوميا على الاقل مرة او اتنين تمررى تلجة على بشرتك

*3* مكعبات ماء الورد المثلججج



*4* النشااااااااااااااا
ايوة عارفة انكم بتقولوا كلام قريب من اللى فات
لانه يا حبايبى حاجة متكاملة ولو دوامتى عليهم زى هتحسى بفرق
وانا والله مابكتب كلمة الا لما اكون مجربها
انا المسامات ضاقت عندى الحمد لله

نرجع للنشااااا
ماااء +نشااا+ماء ورد

النشا بيبض وماء الورد بيدى نضارة 
والاتنين بيشدوا البشرة والمسامات

يالا مبروك عليكى



او بياض بيضة ++نشاااا
بيشدوا البشرة جداااااا وحلو اوى اوى اوى

وطريقة عمل الماسك قلناها ؟ ولا ايه؟؟



*5* بعد استخدام الماء الدافىء على البشرة وبعد عمل ماسكات الصنفرة او تنظيف بضميييرتقفلى المسام بطريقة من اللى فوق (سهلين وملكيش حجة ) او تستخدمى التونر

يبقى رقم 6
*6* التونر
باختصار شديد هو قابض للمسام
وبيقفلها وبيبقى اخر خطوة فى مرحلة النظافة والخطوات
علشان كده مش بتغسلى وشك بعده


وطبعااا التونر للبشرة الدهنيه بيجفف الدهون ويقفل المسام
لكن فى حالة البشرة الجافة بيكون تونر ملطف ومهدئ

 

اشترى النوع المناسب لبشرتك
انا جربت غارنيه وحاليا معايا تونر من واريفلام

التونر بيكون ليه رااائحة جمليه 

وبلاش تفرطى فى استخدامه خليه مرتين بس فى الاسبوع
بالذات بعد التنظيف العميق او التقشير او الصنفرة



وطبعااا فى علاج بالليزر وفى جلسات التقشير الكيميائى
جلسات التقشير حلوة الى حد كبير ولو حافظتى على بشتك بعدها ممكن المسامات والبثور تبقى مختفية معاكى فترة كبيرة
بس انا مجربتهمش بصراحة


يبقى الملخص
التنظيف الجيد للبشرة مرتين او ثلاثة يوميا
مكعب تلج مرة او مرتين يوميا
ماااء ورد مرة على الاقل يوميا
النشااااا مرتين فى الاسبوع 
التونر مرتين فى الاسبوع